Թե ուզում ես Վարդան Հակոբյան, Երկեր, հատոր Ա (Դարձարան)

Վարդան Հակոբյան

Վերագտավ երկինքը
ԴԱՐՁԱՐԱՆ


Ինձ թողիր այնտե՛ղ,
ՈՒր հանդիպել ենք. -
Ուզում եմ ուրիշ,
ՈՒրիշ ճամփով գալ։

Ինձ թողիր այնտեղ,
Ուր ներում չկա. -
Ուզում եմ ուրիշ
Քարերով զարկվել։

Ինձ թողիր այնտեղ,
ՈՒր քեզ չեմ տեսել. -
Ուզում եմ փնտրել,
Նորից գտնել քեզ։

Ինձ թողիր այնտեղ,
Ուր որ զղջումն է, -
Ուզում եմ ուրիշ
Հեղեղով քշվել։

Ինձ թողիր այնտեղ,
Ուր դու երկինք ես. -
Ուզում եմ վրաս
Նոր թեւեր բուսնեն։
Ինձ թողիր այնտեղ,
Ուր ես քեզ մոտ եմ, -
Նորից եմ ուզում
Եկած ճամփով գալ...

Ինձ թողիր այնտեղ,
Ուր որ չես թողնի. -
Ինչ որ չի եղել՝
Ուզում եմ լինի։