Պատկեր Վարդան Հակոբյան, Երկեր, հատոր Ա (Մոգական կրակներ)

Վարդան Հակոբյան

Մի արահետ եմ
ՄՈԳԱԿԱՆ ԿՐԱԿՆԵՐ


Լռությունը քո հայացքից առա,
Բայց ո՞ւր տանեի.
                Դրի երգիս մեջ,
Որ այնտեղ հալվի,
                Մեղեդիանա։
Եվ հուրը խայտաց իմ երակներում,
Ինձնով վեր ելավ՝
Դեպի մոգական այն կապույտները,
Ուր մուսաները
Մեզ ընդառաջ են տանում լույսերին,
Ուր արեգակը՝
Ամպերի ճերմակ թերթերի վրա,
                 Գարունքվա երգ է՝
Հյուսված գույներից սուրբ երազների։
Լռության վրա կողպեք կդառնամ,
Տիրություն արա քո կրակներին։